الشاعر: حنيف بن سعيدان
ا (ربع مطير) ا
امير قبيلة مطير: فيصل الدويش
لاقيل وين مطير واخفـن الأرمـاس
الــراس بـيــن محـقـبـه واللهابـــه
كزوا لهم من عقب الأمطـار عسـاس
وتبـاشـروا بالصـلـب كـثـرة شـرابــه
وتقودوا فرسانهـم قحـص الأفـراس
وحـطـوا جنـيـح شــدة مــن حـرابـه
يتلون ابن سلطـان قطّـاع الأرمـاس
ديــن عـلـى ولــد الـدويـش ووفـابـه
يقـدا جمـوع كنهـا نـاب الأطعـاس
وصـم الحـوافـر مــا عرفـنـا حسـابـه
اسم على جسـم وجـد علـى سـاس
وفعـل قديـم مــن عـصـور الصحـابـه
ياشيخنـا مالـك حلـيّ مـن النـاس
كونـك صبـاح وكــون غـيـرك نهـابـه
كونك كبيـر ومنـه الأجنـاب تقتـاس
اليـا واجه الطرقي الأخر حكى به
مثـل نهـار يـوم الأريـاق يـبّـاس
مـن ذاق ضـرب ايمانهـم مـاسعـى به
خلي على صيانهـم حمـر الأكيـاس
والبـن الأشقر مـا اهتنـوا في شـرابه
ولايزاعم الدوشان كود انقـر الـراس
الله يمّـن خــوف مــن لاسـعـى بـه
امهارهم فـي غبـة الكـون غطّـاس
وايمانـهـم تـرمـي الـعـشـى للذيابه
لبّاسـة الماهـود والـدرع والطـاس
ومصقّـلـن تـدني المـنـايـا ذبـابــه
يجلي عن الكبد الصـدا سلـة الماس
يــوم تـقـطّـع بالرضـيـمـه ضـبـابه
من ضرب علوى خيلهم تمرس امراس
امــراس صـيــد مقتفـيـتـه ذيـابــه
ماعفّتوهـن عنـد زينـات الأجنـاس
وعنـد البـكـار الـلـي لـهـن انحطـابـه
عدونا يصبـر علـى كسـرة البـاس
وصديـقـنـا يـفـتـق زرار الـحـرابه
والذود جعله فدوتن لـك عـن البـاس
ياشـوق مـن كـن الـزهـر فـي لبـابـه
#-#
